«Мұғалімнің басты құндылығы – баланың дамуы» тақырыбында баяндама жасады.

Қалалық білім берудегі жаңа технологиялардың ғылыми-әдістемелік орталығы «Психологиялық сүйемелдеу» бөлімінің ұйымдастыруымен мектеп оқушыларының психологиялық-педагогикалық мәдениетін арттыру бойынша өткізілген іс-шарада №200 мектеп-гимназия педагог-психологі Сүлеймен Әлия Сатыбалдықызы «Мұғалімнің басты құндылығы – баланың дамуы» тақырыбында баяндама жасады. Баяндамада психолог маман ретінде мұғалімнің бойындағы шынайылық пен байқампаздық қасиеттер арқылы, баланың ішкі дүниесіне үңіліп, жүрегіне жол таба білетіндігі туралы айтылды. Сондықтан мұғалімдерді осы қасиеттерге мамандануға, қыр-сырын үйрететін әдіс-тәсілдерді зерделеуге және қолдануға шақырды. Себебі мұғалім оқушының ішкі уәжін көре отырып,  мотивация бере білсе, көзі жанып тұрған оқушы педагогтің тиімді жұмысының нәтижесі болып табылары сөзсіз.