«Жарқын болашақ иесі – бүгінгі жас маман» тақырыбында жас мамандармен семинар-тренинг өтті.

Өмірдегі көп мамандықтардың ішінде жан-жақты білімділікті, икемділікті, шеберлікті, ерекше шәкіртжандылықты, мейірімділікті қажет ететін мамандық – ұстаздық мамандығы десек артық айтпаған болар едік. Бүгінгі ұстаз шәкіртіне ғылым негіздерінен мәлімет беріп қана қоймай, оны дүниежүзілік білім, ақпарат, экономика кеңістігіне шығуға, яғни қатаң бәсеке жағдайында өмір сүруге тәрбиелеуі керек. Ол нағыз ұстаздың ғана қолынан келеді. Ұстаз атана білу, оны қадір тұту, қастерлеу, арындай таза ұстау - әр мұғалімнің борышы. Осы орайда 13.11.2020ж.күні №200 мектеп-гимназия педагог-психологы Сүлеймен Әлия Сатыбалдықызы «Жарқын болашақ иесі – бүгінгі жас маман» тақырыбында жас мамандармен семинар-тренинг өтті. Семинар-тренингте  жас мамандардың кәсіби-тұлғалық даму деңгейі бойынша кеңестер берілді. Сонымен қатар, google.com/forms/ бойынша жас мамандардың жұмысқа кәсіби бейімделуін, психологиялық қалыптасуын анықтау үшін  жүргізілген сауалнамаға талдау жасалынды.