"Қазақстандағы білім беруді жаңарту аясындағы инновациялық мектеп сабағы" атты республикалық ғылыми-тәжірибелік конференция өткізілді.
2021 жылдың 1 наурызы күні Алматы қаласы Білім басқармасының "Алматы Дарыны" дарынды балалар мен талантты жастарды анықтау және қолдау жөніндегі орталығының қолдауымен Наурызбай ауданы №200 мектеп-гимназиясы директордың оқу ісі жөніндегі орынбасары Р.А.Закирьянованың ұйымдастыруымен "Қазақстандағы білім беруді жаңарту аясындағы инновациялық мектеп сабағы" атты республикалық ғылыми-тәжірибелік конференция өткізілді. Конференцияға Алматы қаласы Білім басқармасының "Алматы Дарыны" дарынды балалар мен талантты жастарды анықтау және қолдау жөніндегі орталығының педагогикалық-инновациялық технология бөлімінің басшысы К.Б.Шакретова, осы орталықтың Наурызбай ауданы бойынша кураторы С.Т.Мурзатаева, Абай атындағы ҚазҰПУ-дың профессоры, п.ғ.д Г.С.Саудабаева, «Семей қаласының Шәкәрім атындағы университеті» педагогика оқу кафедрасының меңгерушісі, педагогика ғылымдарының докторы, профессор М.З.Джанбубекова, республикамыздың білім беру саласының ұстаздары қатысты. Конференцияда жаңартылған білім беру мазмұны бойынша қашықтықтан оқыту кезіндегі сабақ өткізудің әдіс-тәсілдері талқыланды.