Ядролық апаттың 35 жылдығына арналған «Чернобыль балалардың көзімен»тақырыбында 5-8 сыныптар арасында сурет байқауы өткізілді.

Алматы қаласы №200 мектеп-гимназиясында Чернобыль атом электрстанциясындағы
Ядролық апаттың 35 жылдығына арналған «Чернобыль балалардың көзімен»тақырыбында 5-8 сыныптар арасында сурет байқауы өткізілді.
Байқаудың мақсаты: Чернобыль апатының тарихы мен, апат салдарын жоюға аттанғандардың ерлігін өскелең ұрпаққа насихаттау.
Чернобыль апаты - Украинадағы Чернобыль атом электр станциясында, 1986 ж.26-сәуір айында АЭС-тің 4-энергоблогында апат болды. Ч. а-ның нәтижесінде Украинаның елеулі аумағы мен Ресейдің Брянск және Калуга облыстарының аумағы радиоактивтік ластануға ұшырап, адамдар өміріне қауіп төнді. АЭС-тен радиусы 30 км. жерде тұратын халық басқа жерлерге көшірілді. 1986 жылдың қараша айына дейін апатқа ұшыраған блок залалсыздандырылып, оғашталды. Апатты залалсыздандыруға Қазақстан азаматтары да тартылды.Радиоактивті түтін аймақтан асып, 10-нан аса мемлекеттің 145 мың шаршы шақырым жерін ластады, кем дегенде 5 миллион халық зардап шекті. Оның зардабы қаншалықты ұзаққа баратыны әлі белгісіз қалып отыр.
Адамзатқа орны толмас қасірет әкелген Чернобыль оқиғасына биыл 35 жыл толады.  Чернобыльдегі апат әлемді дүр сілкіндірді. Бұл оқиға қаншама адамның тәнін ғана емес, жүрегінде де жара қалдырды.
Талайдың тағдырын шайқаған Чернобыль апатын залалсыздандыруға Кеңес Одағы бойынша 276 әскери бөлім қатысқан.Солардың ішінде әскерде жүргендері бар,азаматтық борышын бұрын өтегендерден қайта шақырылғандары бар, жалпы алғанда 30 мыңнан астам Қазақстандықтар бір кісідей жан аямай ат салысты.
Чернобыль апаты қазақстандықтардың жүрегінде әлі күнге дейін сақталуда»
Ұйымдастырушылар көркем еңбек пәнінің мұғалімдері.