Сәкен Майғазиев
2020 жылдың 28 қаңтар күні №200 мектеп - гимназиясында Қазақстан Республикасының еңбек сіңірген қайраткері, Т.Жүргенов атындағы Қазақ ұлттық өнер академиясының шығармашылық жұмыс және халықаралық қатынастар жөніндегі проректоры, әнші, өнер қайраткері, аты аңызға айналған Муз АРТ тобының мүшесі Сәкен Майғазиевпен кездесу өтті. Кездесу барысында Сәкен Майғазиев өзінің өнерге алғаш қадам басқан сәттерімен, өнер жолының ауыр екенін, өнер адамының сезімтал жүрегі әр түрлі ауыртпашылықтарды көтере білу керектігін де жеткізді. Өзінің өнер жолымен қатар отбасын құрған кезеңдегі алғаш басталған сәтінде көрген қиыншылықтарымен бөлісіп, жарқын мақсатың болса әр қадамың ізгі болашаққа өзі жетелеп әкелетінін оқушыларға жеткізе білді. Оқушылардың көкейінде жүрген барлық сұрақтарға жауап беріп, оқушыларға арман-мақсат жолында ешқандай кедергіге мойымай, тек қана еңбектеніңдер деп ынта-тілегін білдірді.
