«Қашықтан оқыту жағдайында өзін-өзі тану пәнін оқытуды ұйымдастыру» тақырыбында қалалық семинар өткізілді.

2021 жылдың 22-сәуір күні  Наурызбай ауданы №200 мектеп-гимназияда ҚББЖТҒӘО-ның өзін-өзі тану және рухани-адамгершілік тәрбие бөлімінің әдіскері З.С.Бибалинованың ұйымдастырумен қашықтан оқыту жағдайында өзін-өзі тану сабақтарын ұйымдастырудың маңызды мәселелері бойынша «Қашықтан оқыту жағдайында өзін-өзі тану пәнін оқытуды ұйымдастыру» тақырыбында қалалық семинар өткізілді. Семинарда №200 мектеп-гимназияның өзін-өзі тану пәні мұғалімдері іс-тәжірибе алмасып, педагогтардың кәсіби құзыреттілігін дамыту мақсатында әдістемелік қолдау көрсете білді.  Директордың оқу ісі жөніндегі орынбасары Р.А.Закирьянова семинарға қатысушыларға мектеп-гимназияның тынысы туралы бейнебаянмен таныстырып,  педагог-психолог және өзін-өзі тану пәні мұғалімі Ә.С. Сүлеймен «Қашықтан оқыту жағдайында оқушыларға жоба жұмысын тиімді ұйымдастырудың әдістері»  тақырыбында іс-тәжірибесімен бөлісті. А.Н.Усипованың 7 «Ә» сыныбына өткізген «Адам.Жасампаздық» тақырыбындағы ашық сабақ өте жоғары деңгейді бағаланды. Сондай-ақ өзін-өзі тану пәні мұғалімі Үміт Жалғасбайқызының ұйымдастыруымен өзін-өзі тану оқулықтарының құрастырушыларының бірі Акимбаева Жазира Жайлаубекқызымен кездесу болып, сұхбат жүргізілді. Семинар соңында 4-сынып оқушыларының орындауында Үміт Жалғасбайқызының әніне жазылған «Балдырғандар жыры» шырқалып, кері байланыс https://docs.google.com/forms/  бойынша өткізілді. Қалалық семинарға қатысушыларға семинар материалдары, өзін-өзі тану кабинетінің жабдықталуына қойылатын талаптар, қашықтан оқыту барысында жүргізілетін жаттығулар жинақталып кітапша ретінде таратылды.